Lawngtlai Vengpui a Inkang a nunna chan pahnih LIKBK Assembly chuan tukin khan a ral.

Pathianni zan June 23, 2024 zan a Lawngtlai Vengpui a Inkang vanga nunna chante Lairam Isua Krista Baptist Kohhran Assembly chuan tukin khan a ral.

LIKBK Assembly in a ralna hi General Secretary mawhphurhna lamektu Rev. Dr. C. Lalmuankima chuan lusun chhungte hnen ah hlanin, Inkang a nunna chan  Pi Sungṭiali kum 76 Pu Thangnawna (L) nupui leh Pi Darhliangi kum 70 Pu Thangnawna (L) farnu te ralnan hian Rs. 25,000/- a hlan a, LIKBK Assembly puipaten tawiawmin Pathian hnenah  thlamuanna leh awmpuina an dilsak.

Tarlan tawh angin Pathianni zan khan Lawngtlai Vengpui a Pu Thangnawna (L) In Assam type chu bungrua engmah chuh hmanlohvin a kang a, vanduaithlak takin mi pahnih an kanghlum.

Kangmei hi zan dar 9 vel ah chhuakin, thenawmawm khawveng, vengchhungmi leh kangmei a chhuak tih hria apiangte tlankhawm nghalin Fire & Emergency Service lam pawh koh nghal nimahse, kangmei hi a nasat tawh vangin Inchhunga awm Pi Sungṭiali kum 76 Pu Thangnawna (L) nupui leh Pi Darhliangi kum 70 Pu Thangnawna (L) farnu chu chhanchhuah theih an nilova, vanduaithlak takin nunna an chan. Kangmei a chhuahlai hian In ah hian mipathum awmin mipa pakhat chu tukverh lam ah zuangchhuakin a him. Lawngtlai ah hian Inrinni zan atangin Power supply a awmloh vangin kangmei hi Mombati chhit atanga chhuak ni a an ngaih thu khawtlang hruaitute chuan an sawi.

Vawiin chawhnu khan  LIKBK Central Hmeichhe Pawl chuan Lawngtlai Vengpui a in kang tuar chhungkaw hnenah  an tawrhpui zia lantir nan leh chhawmdawl nan Rs. 10,000/- an hlan bawk.