Tunkar Ningani a LADC huamchhunga Village Council inthlanpui neihtur ah Lai Autonomous District a Chief Executive Member Pu C.Lalmuanthanga chu Congress leh MNF Party atanga VC Candidate te tan a campaign.
Chief Executive Member hian Sangau,Pangkhua,Cheural leh Rawlbukah te thusawiin, LADC leh VC te chu inngheng reng, pheikhai rualtaka an kal chuan khawtlang tan hmasawnna a awm thin tih sawiin, LADC Sorkar chu ngampa taka neitu chanchanga dawr theitur Congress emaw MNF Party atanga VC Candidate te thlangtling turin mipui a ngen.
Pu C.Lalmuanthanga chuan LADC a Congress leh MNF thawhdunna chu tihnghin tumin zeldin thu nen beih ni mek mahse, an thawndunna hi chhemai thei a nilo tih sawiin, LADC Sorkar chu nghetakin a kalzel dawn a ni a ti bawk.
CEM chuan Lawngtlai Chandmary MDC by election neihturah Congress leh MNF chuan thawhdunna nghettak neiin a hranin Congress in Candidate neilovin MNF Candidate chu an Candidate intawm a nih thu sawiin, Congress mipuite pawn lungsitakin an candidate intawm tan theihtawp an chhuahmek a ti bawk.
Pu C.Lalmuanthanga hi Congress MDC niin, MNF. MDC 12 nen LADC ah Sorkarna siamin Chief Executive Member nilai a ni.