Adviser to Chief Minister Pu TBC Lalvenchhunga chuan ZPM Sorkar chuan Autonomous District Council te chu a duhsak hle tih sawiin, ADC te hrek leh thlem chu an tum a nihloh thu leh mipui tan Sorkar a tangkai theiha, a tihtur diktak a tih chu an duhber a nih thu a sawi.
Pu TBC Lalvenchhunga hian vawiin khan Lawngtlai Press Club ah thuthar thehdarhtute kawmin kumhlui ah Mizoram a Autonomous District Council pathum budget chu Vaibelchhia 505 a nih laiin ZPM Sorkar chuan budget thar ah Vaibelchhia 612 a dahsak tih sawiin, State Budget chu kum kalta aiin 1% chauh in a pung a, hetiang a nihlai hian [The Lawngtlai Post] Autonomous District Council te chu Sorkar chuan hma an sawn theih nan a duhsak hle a ni a ti a, duhsak taka an mamawh a ngaihtuah rualin, an hnathawh leh hmalakdan erawh a enfimkhur hle dawn niin a sawi.
LADC ah Blood group inanglo MNF leh Congress an thawkdun a, rei an daih a rinloh thu sawiin, Lawngtlai Chandmary MDC by election ah MNF leh Congress thawkdun siin, Village Council inthlanna ah erahw an thawkho theilo hian [The Lawngtlai Post]Party pahnih thawhdunna chu lalna leh thuneihna duh vang chauh a ni tih a lanfiahtir niin Pu TBC Lalvenchhunga chuan a sawi.
Ram siamthaturin ZPM Sorkar chuan theihtawp a chhuah tih sawibawkin, LADC huamchhunga VC inthlanpui leh Lawngtlai Chandmary MDC [The Lawngtlai Post]by election neihturah ram siamthat hna a taka thawktur mipuiten ngaihtuahfim hmanga an thlan a pawimawh tih sawiin, ZPM thiltum chu langchiangsa a nih vangin an Candidate te lo duhsakturin mipui a ngen bawk.
Tags
News