Lawngtlai District chhungah Vawk, ASF vei hmuhchhuah a la nilo.

Vawk natna African Swine Fever (ASF) chu kumin chhungin District dang ah a vei hmuhchhuah a nih bakah ASF vanga Vawk thi an awm nual tawh laiin, vawiin thleng khan Lawngtlai District ah he natna vei leh ASF vanga Vawk thi an awm hriat a la nilo.

Lawngtlai District ah hian AH & Vety Department hi pathum awmin, State Sorkar hnuai a mi bakah Lai Autonomous District Council leh Chakma Autonomous District Council hnuaiah he Department hi awm bawkin, ran leh a kaihhnawih enkawl leh vilven te, hriattur pawimawh inzirtir leh tuldangte an thawk reng a, State hnuaia AH&Vety Department leh LADC hnuaia he Department hian mipui zirtirna leh hri laka invendante vawk vulhtuten an hriat a, a taka an hman theih nan hma an la deuh reng a, a tul angin damdawi pawh a thlawna semchhuah thin a ni.

State leh Autonomopus District Council lam a AH&Vety Department hotute chuan ASF vei hmuhchhuah a la niloh thu an sawi a, hrikai hi hmuh la nilo mahse, fimkhur a ngai hle niin an sawi a, Lawngtlai District Magistrate chuan ASF laka inven nan hian tihtur leh tihloh te duangin thupek a lo chhuah tawh bawk.