Chief Executive Member Message On Green LADC Day-2024
Green LADC Day Programme hi kum 10 zet kan lo hmang ta a, Green LADC Day kan hman tawhte thlirlet in kan hlawhtling hle in ka hria. He kan hlawhtlinna hi LADC Department hrang hrangte, NGO, Institution leh mimal te kan thawhhona leh kan tan tlanna ani tih a chaing hle mai. Kumin ah pawh Green LADC Day 2024 hun hmangin thing kan phun ta a, a phun chauh niloin a enkaw! zui kawngah theih tawp chhuah leh theuh turin department hrang hrang, NGO, Instituion te leh mimal tin te ka ngen che u a ni.
Lairam hi, ram hrisel, ram nuam a siam tur hian tudang an ngai lo a, nangleh kei hi kan tawk em em a. Kan ram din hmun enin leh khawvel sik leh sa inthla danglam chak zia en in tan erawh kan lak nasat zual a ngai hle mai. Kum tinin ka ram a kang nasa em em thin a, mimal ram neitute kan pawimawh hle mai, kan ram kang lo tur a kan enkawl a, kan ven zui a ngai hle ani. Eng ang pawhin thing phun nasa mahila kangmei ven kawnga kan tan rual leh si loh chuan hmalakna khingbai chan hỉ kan chang dawn a. Chuvangin thing leh mau enkawl a, venhim kawngah hian India khua leh tui kan nihna ang leh India danpui in mitin tih tur chanvo min pek angin ramngaw nungcha venhim hi kan mawhphurhna a ni tih hre thar leh ang
Kumin June thla thingphun hun kan lo thleng leh ta a, he thingphun hun tawite hi hmang tangkai a, thing tiak a tam thei ang ber phun tur leh enkawl zui turin Lairam mipuite ka sawm tak zet a che u. Lairam hi nungchate zalenna ram tiin mi hian min hria se, hmun dang a awm ve lo Lairam chhung chauh a awın nungchate leh hmun mawi te hmang hian zin mite (tourist) ko lut ila, chu chu kan ram kan hnam damna tur pakhat ani tih hre thar a tan la turin Lairam mipuite ka sawm tak zet zet a che u.
A tawp berah chuan, Laifate chenna lairam hi zim te, kan duh a kan tih zau leh tih tet theih loh, Lalpan Laifate luah chin tur a min pek a ni tih hi kan thinlung- in pawm thar ila, Lalpa malsawmna kan dawn nungcha-a kan hausakna-te, kan boruak leh kan ram hmul hausakna-te hi, kan rohlu, khawvel mithmuha, kan ram timawitu, kan nunna nena inkungkaih tlat a ni tih hrethar ila. Tuihna siamtu Boruak tha siamtu Ramngaw humhalh in, kan tu leh fa, thangthar lo awm zel turte tan ram nuam leh chenfakawm I hnuchhiah ang u tiin kan insawm e.
Green LADC Day 2024 tangkai takin i hmang ang u.