LADC Sorkar thuchhuaha tarlan a nihdanin, vawiin khan Lai Autonomous District Council hnuaia Office thenkhatte chu, Govt. Bazar Middle School leh Rosebud Middle School-te'n, "Twinning of School Programme" hmangin, Field Visit an nei a, heng School-a Zirlaite hi an Zirtirtuten hovin, Pu C. Lalmuanthanga, CEM,LADC chuan a lo dawng sawng.
Pu C. Lalmuangthanga, CEM chuan, hetiang programme pawimawh a, LADC Office Zirlai ten an tlawh chu lawmawm a tih thu sawiin, Lairam a zirlai naupangten kan ram leh hnam Office lian ber hi an hriatchian a pawimawh a, Zirtirtu te'n hetianga kan ram rorelna sangber zirlaite an tlangnelna tur leh hmun pawimawh an rawn tlawh pui hi a lawmawm tak zet a ni, a ti a, Zirlaite chu ram leh hnam innghahna an ni tih hriaa, an zirlaiah thahnemngai turin a chah.
He programme hi, School naupangte inpawhtlan zawkna tur atan ruahman a ni a, School pahnih Naupang te'n programme hrang hrang hmang hovin, chumi a programme pakhat Field Visit programme atan chuan LADC Office an thlanga, CEM LADC Office, LADC Session Hall, leh Elementary Education Officer Room bakah LADC Office Complex fan pui an ni.
Tags
News