TKP, Chandmary Unit, Lawngtlai ten Golden Jubilee an lawm.

Thalai Kristian Pawl. Lawngtlai Chandmary Unit chuan an din kum 50-na, Golden Jubilee lawmna nimin atang khan neiin, vawiin ah an chhunzawm.

Kum 1974. March Ni 3 a member tlemte neia din,Thalai Kristian Pawl, Lawngtlai Chandmary Unit te hian an  kum 50-na hi nimin khan ruai nen an lawm a,   Variety Programme a hun hman a ni a, Tv. V. Lalchhuanzauva, Secretary, Golden Jubilee Celebration Committee kaihhruai ah hian Upa Ainehliana leh Upa K. Lalsawmliana, Senior Adviser te hnen atangin thuchah tawi ngaihthlak a ni a, BCM Maranatha leh BCM Bethel bakah Lawngtlai Area Baptist Choir   ten hun an hmang bawk a, KNP, Chandmary Unit ten Worship Dance an entir bawk.

Lawngtlai Chandmary Unit TKP ten Golden Jubilee lawmna hun an hman hi vawiin Pathianni nilenga chhunzawm a ni  a,  chawhma inkhawm ah Jubilee puala Souvenir an buatsaih chu tlangzarh niin, Rev. F.Zorikhuma, Secretary. Mizoram Thalai Kristian Pawl chuan Pathian thuchah a sawi   a, zanin inkhawmah Rev. Dr.H.Lalthlamuana, Executive Secretary.Lawngtlai Area chuan Pathian thuchah a sawi  ang.

TKP, Lawngtlai Chandmary Unit ah hian tun dinhmunah TKP Member 273 an awm mek.