Vawiin khan mipui ten him leh awlsam zawka Krismas chakkhai lama, hunpui hmang tura an mamawhte an lamkhawm theih nan a vawikhat nan Lawngtlai Bazar Veng huamchhung ah Lirthei tlan khap a ni.
No Vehicle Zone hi Lawngtlai Bawrhsap hova Krismas leh Kumthar nuam leh muanawm taka hman a nihdan tur ngaihtuahtu District Level Committee ruahmanna a neih niin, chawhma dar 10 atanga chawhnu dar 3 thleng a awha, tul zual bik tak takte chu mipui zaingai tak chungin tlantlang tir an ni.
Lirthei kalvel a awmloh vangin Krismas bazar ten nuam leh thawl takin an mamawh te an lamkhawm a, hetiang ang buatsaih a ni chu lawmawm an tih thu Dawrkai leh kawngkama inpho leh Krismas bazar a chhuak ten an sawi.
Naktuk khian Chandmary Lawngtlai huamchhunga ah Bazar kun hun zuallaiin No Vehicle Zone hi hman chhunzawm tum a ni.
Lawngtlai khawpui hi District chhung leh pawnlam atangin khaw 100 chuangten Krismas bazar nan an hman ṭhin niin, vawiina No Vehicle Zone ah pawh Krismas Bazar a chhuak an thahnem hle.