LADC a Pu V.Zirsanga kaihhruai MNF Legislature Party chuan thlawptu a nei ngah tawk tawhlo tih tunhnai khan MDC 13 ten hming ziak hnanin Governor hnen ah an thlen a, hethu kalzel ah hian vawiin khan, Chairman , Lai Autonomous District Council chuan March 7, 2024, chawhma dar 10:30 ah Special Session a ko a , Governor in Floor Test neitura a rawn tih angin Special Session hi koh a ni.
LADC, MNF Legislature Party a Member 9 leh an mahni thlawptu BJP, INC, ZPM leh Independent MDC pakhat theuh, an vaiin MDC 13 te chuan Pu V.Zirsanga CEM chu thlawptu a nei ngah tawklo tih Governor ah thlenin, he thu kalzel ah hian Governor chuan Pu V.Zirsanga dinhmun fiahturin Floor Test neih tura a rawn tih angin LADC Chairman Pu V.L.Hmuaka chuan LADC Special Session hi a ko ta a ni.
Tarlan tawh angin CEM Pu V.Zirsanga chuan LADC ah MNF Legislature Party ten Sorkar thatak an dinzui theih nan a dinhmun atanga inhnuhhniama, eng chanvo mah chelhloh a hrehloh thu leh MNF, MDC te chu inlamletturin a lo sawm tawh a, chanchin buatsaihlai thleng hi chuan thukal dan chiangkuang tak hriat hleihtheih a nilo.