Kan nghakfak, Krismas thlen nan ni tam a awm tawh lova, Krismas hmuak tur a mipuite inbuatsaihna pawn a vawrtawp a thleng chho tan tawh a, Krismas hi engang rilru pu in nge kan hman thin tih hi mitin ten inzawt nawn ila a duhawm ngawt mai.
Krismas awmzia hrelo kan awm lova, Isua Krista Pianchampha a ni. Kan rilru in Bethlehem lam a hawi thup a ngaihtheih a nih lai hian, tunlai hun ah Krismas chu hlimhlawp bawlna hunpui satliah a ngai an awm tam viau tawhin a hriat a, Krismas hi Festival zing a pakhat ang chauh a ngaihna awm hi sual hna thawh. Krismas tihnepna hmanraw pakhat a ni.
Krismas hi a nihna ang emaw, a hlutna ang a chhawmnung zel tur a pawimawhber chu Isua hnungzuitute an nilo thei lova, heitak hi a bikin Kristian tamna Mizoram ah ngat phei chuan, tun a kalphung a kan neih ang piah lam ah he hunpui hilawm a nih theih nan ngaihtuahna pawh sen tam a tulin a rinawm.
Engpawhnise, ngaihdan a inang vek theilova, Krismas kan hmantur hi Biak In kawk deuh ruih emaw a hmang theilo leh tumlo leh duhlo thahnemtak awm theih a ni, mitin thinlung ah Krismas hi hlimhlawp bawlna kut satliah a nilo tih erawh intuh se, chu chuan Krismas a tihlu zual anga, kumpui linglet a kan nghahfak hian awmze nei zawkin mitin thinlung ah hna pawh a thawk ngeiin a rinawm a ni.
Tags
Editorial