Vawiin khan DC Conference Hall, Lawngtlaiah District Sports Committee chu thutkhawmin Lawngtlai district chhung a infiamna hrang hrang tih hmasawn nana Sports Promotional Fund sem chhuah dan tur an rel a. Pu Cheemala Siva Gopal Reddy, Deputy Commissioner chuan kaihruaiin Pu Samuel Lalmalsawma Sailo, DYSO chuan thu rel tur te a sawi zau.
Thutkhawmna ah hian kum 2023 chhung a Sports Promotional Fund sem chhuah dan thlirletna neih niin hma an lak dan te ngaihthlak a ni a. Sports Association hrang hrangte chuan kumin chhung a ruahmanna an siam dan a zirin fund sem chhunzawm dan tur rel a ni. Lawngtlai District Basketball Association-ten a khelmual an neih mumal loh avang a harsatna an neih mek te tarlan niin leimin vang a College veng basketball court hman theih loh a awm mek chu thenfai a nih vat theih nan hmalak dan tur sawi ho a ni bawk.
Lawngtlai District Sports Committee hnuai ah hian Sports Association 16 an awm mek a ni.
Tags
News