February 13-17, 2024 chhung khan Chief Engineer, Project Pushpak hian Mizoram chhimlam a an enkawlna hnuaia kawngpui siam leh project hrang hrangte a enfiah a, chung zingah chuan Lawngtlai-Diltlang-Parva, Kawlchaw-Phura-Tawngkalawng, Zawngling-Mawhre-Sapi, leh Tuipang-Laki-Lope -Lungpuk te pawh a tel.
Chief Engineer hian hnathawktute chu tumruhna nghet tak nen an hna thawk turin a chah a, Ngengpuiah Lei metre 125 dawh zawh a nih bakah Tuisi-ah metre 55-a thui Lei pawh zawh a ni tep tawh a, heng kawngpui siam leh lei dawh te hian zinna atana hun hman a tihtlem bakah kawngpui hrang hranga bungrua phurh theihna a tipung dawn a, hei hian mipui hmasawnna hrang hrangah a chuankaitir dawn a ni a ti.
Shri Amit Yadav, Officer Commanding of the 71 RCC(GREF) chuan Cement Treated Sub-base (CTSB) layer hman dan leh plastic bawlhhlawh hmanga kawngpui quality tihsan dan thawktute hrilhfiahin eco-friendly infrastructure development lama hmasawnna pawimawh a ni a ti.