Lai Autonomous District Council hnuia thawktur Zirtirtu laktur ah thil fello inzep thei awm ni a hriain, Lai District Congress Committee chuan a hnuaia tarlan ang hian vawiin khan Chief Executive Member, LADC hnen a ngenna an thehlut a, CEM hi awmloh vangin Executive Secretary kut an lehkha hi Lai DCC hruaituten an pe.
OFFICE OF THE LAI DISTRICT CONGRESS COMMITTEE HEADQUARTERS: LAWNGTLAI CONGRESS BHAWAN, LAWNGTLAI-796891 Phone/Fax: 03835-232075
No.A.02/2023/Lai DCC-LTI (GAD) Dated Lawngtlai, the 26th February, 2024
To
The Chief Executive Member;
Lai Autonomous District Council, Lawngtlai, Mizoram.
Subject: LADC Education Department (P/S) hnuaia Zirtirtu pangai 12 leh Laica Zirtirtu 2 lakna ah hian GAD Office MemoNo. A32012/2/2011-LADC/GAD Dated Lawngtlai the 18th
January, 2016 ang lak a nih theih nana hma la tura ngenna.
Ka Pu,
Lai District Congress Committee, Hqrs: Lawngtlai aiawhin chibai kan buk che a, I hnena kan lehkha theh luh hi min bawhzui saka, min tih hlawhtlin sak turin kan ngen a che.
Date 21 February, 2024 a Education Dept (P/S) in lehkha an tih chhuah No.A.12024/1/2023- LADC/EDN in angin zirtirtu pangngai 12 lakna turah candidate 60 lai mai koh niin, Laica zirtirtu an lakna turah candidate 10 lai mai koh an ni bawk a. Hetiang proportion 1:5 hi LADC ah kalpui a ni ngai meuh lo a. Date 5 June, 2017 a LADC General Administration Department lamin lehkha an tih chhuaha post 4 chauh lakna tura candidate 20 lai mai an koh chhan kha candidate an tlem mai bakah leh written examination ah Mark inang an lo awm palh takin tih thil a tan chauh thlah dulna kha siam niin, a hnu lam atana hman tur a ni lo a ni. Tin, tun hmain mark inang an lo awm palh a nih chuan danin kum lama upa zawkte koh zawk tur a tih bawk a vangin khatiang khan rualtlanga taka interview an hmachhawn nana siamthat mai a ni.
Thil awm dan leh LADC lo kal tawh dan en hian tun tumah hian dik lo tak leh tan chhan mumal awm lo, duhsak zawngte lak tumna lian tak avanga hetiang hi department lam hian an siam niin a lang a. Kan LADC hi hnalak chungchangah a lo mualpho fo tawh a, Education Department pahnih ngei pawh hian High Court ah case a nei niin kan hria. Chuvangin mithiam leh qualified zawkte lak an nih theih nan tuna Personal Interview kohna hi cancel turin leh GAD Office MemoNo. A32012/2/2011-LADC/GAD Dated Lawngtlai the 18 January, 2016 anga kalpuia, post ruak zat lethnih anga kalpui leh turin leh Laica ah pawh mi 7 ko turin kan ngen a che.
Ram leh Hnam tana I thawhpui,
(LALTLAWMLOVA CHINZAH)
General Secretary
i/c General Administration Department
Lai District Congress Committee Hqrs: Lawngtlai.
