Editorial || MIDANG TAN HNAWKSAK LOVIN I FAI ANG U.

Faina lam hawia Lawngtlai khawpuia hmalakna kalpui thin hi a hluin, sawisen a nilova, vawikhat hmalakna hian awmzia a nei thui lova, vawitamtak hmalak a ni tawh a, awmzia a nei hret hreta, faitur chuan hmalakna kalpui reng a ngaia, mipuiin an nunphungah an neih a pawimawh.

Sorkar hmalakna ringawt chuan hunbik a nei thin a, Sorkarin a tumber chu mipui zirtir a ni a, mipui lam hian fai turin zirtirna hi an dawng tamtawk tawh in a rinawm.

Fai tura hmalakna kawngah fimkhur erawh a tha. Veng chunglam an fai laiin, an hnawmhnawk chu veng mawnglam tan phurrit a nithei. Keini kan faia kan In leh a vel kan vawnfai laiin, kan hnawmhnawk chu thenawmte tibaltu a nithei. Kan chhevel a Thing leh mau kan zuahte hi midang tan harsatna siamtu, faina lama hmalakna tithuanawptu a nithei tihte pawh kan hriat a tul a, Fai tura hma kan lakna ah hian midang tan hnawksak lo zawnga hmalak a tul a, keini fai mah ila, kan thenawm leh kan chhehvel a fai siloh chuan Lawngtlai hian khawpui fai nih a hlawh tur angin a hlawhchhuak zolovang tih a hlauhthawnawm.

Pathian a innghah hi mihringte tan a thaber ah, a dawt ah chuan Fai hi a ni tih hi   thu mai nilova a taka kan pawm a, kan bawhzui a pawimawh  khawp mai. I tifai peihlo a nih pawhin, a tibaltu ah tanglola, faina lamah hma nasa takin   ila tihna a ni.