ICDS Scheme hnuaiah Naupang, Naupai leh Naupawm tan chawtha a thlawnin sem thin ani.

Integrated Child Development Services (ICDS) Scheme hnuai ah  Naupang,  Nu naupai leh naupawm ten chawtha an eitheih nan a Lawngtlai District a hmalakna kalmek ah a dawngtur diktak hnen ah chawtha chi hrang hrangte semchhuah thin ani.

Tunlai hian Lawngtlai Project hnuai a Centre 100 atanga Naupang kum 6 hnuailam, Nu naupai leh nausen pawm ten an dawntur chawtha hrang hrang, Badam, Dal leh Tel pekchhuah mek a ni a, heng Centre atang hian Centre thuneituten a dawngtur hnen ah a thlanwin an semchhuak leh dawn a ni.

ICDS Scheme hnuaiah hian Lawngtlai District ah Project pali awmin Lawngtlai Project hnuai ah Centre 100 a awma, Chawngte Project hnuaiah Centre 90 awmin, Bungtlang South Project hnuaiah Centre 60, Sangau Project hnuai ah Centre 52 a awm a, Lawngtlai District a Project pali ah Centre 302 a awm mek.

Heng chawtha dawngtur hian Sorkar in ruahmanna a neih mumal taka zawmin, ziahluh theihte ziahluh an ni a, khua leh tui diktak Sorkarin chawtha a pekten an dawn ngei theih nan nguntakin vilreng a ni.