Lawngtlai District ah Viksit Bharat Sankalp Yatra tluang taka chhunzawm mek ani.

Lawngtlai District chhunga Viksit Bharat Sankalp Yatra neih mek chu vawiin khan Lawngtlai khawpui chhunga veng pali ah chhunzawm a ni.

Lawngtlai -III, Bazar Veng, Vengpui, New Vengpui leh Chandmary veng ah te Yatra hi neih niin, Sorkar laipuiin ram mipui tana hmasawnna leh hamthatna hrang hrang a ruahman te mipui hnena puanzar leh hrilhhriat an ni a, mipui lam atangin hriatthiamloh an neihte zawtin, a changtu Department aiawh ten an hrilhfiah.

Naktuk khian Paithar khuaa  Yatra neih tur chu Lawngtlai leh Siaha District Prabhari Officer, Pi Rina Sonowal Kouli, Ministry of Education a Joint Secretary Department of Higher Education chuan a hmun ah a telpui dawn.

Yatra hi Lawngtlai District a khua, motor in a tlawhpawh theih ah te chuan  neih vek turin ruahmanna siam niin, mipui ten Sorkar laipuiin an tan enge a tih ? tih an hriat chian a, hmalakna chu an chhawr ngei theih nan a inhrilhhriat leh kawng inkawhhmuh a, Scheme thenkhat inziahluh ngaite a hmuna tihfel nghal chu Yatra neihna ah thiltih ber niin, mipui lam pawn an hlut viauin a hriat.