Lawngtlai East bialtu MLA Dr. Lorrain Lalpekliana Chinzah, Adviser to Chief Minister chuan nimin Dt. 05th January 2024 (Friday) khan, Lawngtlai bul lawka awm AH & Vety Farm Mampui chu tlawhin, thawktute nen inkawmhona hun tha tak an nei.
Dr. Lorrain-a chuan Mampui AH & Vety Farm chu Lawngtlai District tan Farm pawimawh tak, ranvulh aṭanga mipuite mamawh chi hrang hrang pe chhuak thei tur a nih thu a sawi a. A theih chin chinah tih changtlung leh tih len zel a nih theihnan hmalak a tum thu a sawi
Adviser to Chief Minister hi AH & Vety Farm Mampui a Manager leh staffs te'n lo dawng sawngin, tun hnaia mipui tlawh theih tura Vety Dil cheimawi leh a chhehvelte pawh en ho a ni bawk.
MLA hi ZPM Lai District Headquarters Lawngtlai aiawhin Pu MC. Lalramchhana President, Pu K. Hrekung MDC & Adviser, Pu Lalzirtluanga Secretary, Pu Samuel Laldawngliana Secretary, Pu T. Lalrinawma Ṭhalai Vice President leh ZPM Màmpui Unit hruaitute'n an tawiawm a ni.
Tags
News