Mizo Zirlai Pawl (MZP) General Headquarters, Aizawl chuan vawiin khan an President Pu H. Lalthianghlima hovin Parva-III, Chamdur P leh Vaṭhuampui a Bangladesh aṭanga Zohnahthlak raltlante an tlawh kual a, harsatna tawh leh an mamawh hrang hrangte a hmunah an enfiah.
MZP President Pu H Lalthianghlima chuan, raltlan te chu thlamuang taka awm turin a chah a, khawtlang leh kohhran ah te inhmang tur leh theihtawp chhuah a intodelh tum tlat turin a chah
Parva III ah hian raltlan chhungkaw 41 awmin, mi 198 an awm a, Chamdur P ah raltlan chhungkaw 22 awmin, mi 127 an awm a, Vaṭhuampui ah raltlan chhungkaw 76 awmin, mi 350 an awm mek bawk a ni.
MZP hruaitute hian Parva III a Raltlan te hnen ah Blanket 30 leh Rs 2000/- an hlan a, Chamdur P ah Rs 5000/- hlanin Vaṭhuampui ah Blanket 30 leh Rs 2000/- an hlan.
MZP hruaitute hi khawtlang hruaitu te'n lo dawngsawngin an khuaa zirna lama harsatna an tawh hrang hrangte MZP hruaitute hnenah hian an lo thlen.
Raltlan thilpek hlanna ah hian Pang Zirlai Pawl leh Hmar Students' Association hruaitute'n MZP hruaitute hi tawiawm.