.jpg)
Political Party ruihchilh ho chuan heihi an pawm a rinawmloh, tuntum Sorkar thar hi mipuiin an duhtak an thlantlin leh an intihneitu awmchhun a ni, tih hi.
ZPM Sorkar hian hna a nihdantura a thawhtheih nan chuan ZPM Party hruaitute leh an worker te an pawimawh thu kan sawi tawh a, Val Upa Council hi thlir lawk teh ang aw.
Thilnihdan phung pangngai ang chuan kal dawn sela, Sorkar siama MLA te an tlin theihna tura bei nasatu Party hruaitu leh an mipuite ngaihpawimawhna Sorkar chuan a neih a ngai a, mahse heihi thil harsa tak a nih a rinawm, MLA a tlingten thuneihna an chanin ram hruaina a ni emaw kawng dang dangah an Party in thuneihna tak tak an nei talo emaw tihtur a tam thin hle a, heivang hi a nimahna, Manifesto a ram hruaina tur tha pui pui inzam ngiai nguaite khan awmzia a neihtheihloh ni.
Val Upa Council hi thildang tehvak niin a lang lova, kaldanphung pangngai ang ngawt chuan Sorkar khalhngiltura ngaih Party kha Chief Minister leh a hoten palzam chin an ngah hlauhna a lianin, ram hruai nan a mipui an lo zawrhte a zuzi hlauin, chumi vengtur chuan Val Upa Council hi thuneihna sangtak neiin ZPM hian a dah niin a lang. An tum anga an kal chuan a tha ngawt ang, enchhinzel ila.
Eng Party pawn sorkarna siamse, diktak chuan an Party mi nilo tan, chupawh a titheifalte tanlo chuan Sorkar intihneitu a har em em thin hi thilmak a ni lem lova, Party thanlen nan a huapzautak aia hamthatna tutute emaw hnena uchuak taka vur hi tangkai zawka ngaihnate, mipui hmangaihna tello Sorkar kan hrawn thin vangtein Sorkar hi mipuiin an Sorkar ah an ngai thei thin lo.
Val Upa Council hian thiltamtak tihtur a nei hran lo maithei, Sorkar chu mipui sorkar a nihtheih nana a khalhngil thei a ni ngat chuan kum nga chhungin Sorkar awmzenei Mizoram in a hmutur ah ngai ila, Sorkar dang aia an chungnunna a awmloh chuan an zuihral thuaiin a rinawm.