Chakma Autonomous District Council Sorkar chu a buai chho leh dawn niin a hriat a, BJP MDC 5 leh MNF, MDC 1 in an Party atanga banna an thehlut.
Heng BJP, MDC 5 leh MNF, MDC 1 hian December 8, 2023 Zirtawpni khan an Party President hnen ah Party Member an nihna an bansan thu an thehlut a, an awmzuidan tur erawh tun dinhmun ah hriatchian a la nilo. MNF, MDC, a awmna Party atanga banna thehlut hi Chakma Autonomous District Council a Chairman nilai Pu Kali Kumar Tongchangya niin, BJP, MDC, an awmna Party a member an nihna atanga banna thehluttute hi, Hiranand Tongchangya, Amit Bayan Chakma,Sanjeev Chakma, Ajoy Kumar Chakma leh Parimal Chakma te an ni.
Heng MDC, an awmna Party chhuahsan te hian Pu Kali Kumar Tongchangya kaihhruaina hnuai ah Chakma Autonomous District Council ah ZPM Sorkar din tumin hma lak an tum tih The Lawngtlai Post thudawnna chuan a sawi.
Chakma Autonomous District Council ah hian kumin May 9 khan inthlanpui neih niin, Rengkashya bial ah a hnu a inthlanna neih ni bawkin, bial 20 awmna CADC ah MNF chuan Seat 10 lain, BJP leh INC ten Seat nga ve ve la in, MNF chuan an mahni thlawptute nen Sorkar siamin Pu Rashik Mohan Chakma chu Chief Executive Member niin, tuntum Assembly inhtlanpui neihah khan CEM nilai hi MNF Ticket in Tuichawng bial ah thlantlin a ni a, hemi hnu hian CADC Sorkar a Politics vilvel hi a inherdanglam chho tan.
.jpeg)