Auto Rickshaw atanga hmuhchhuah Rs.2,37,650/- midang tanpui nan LAROA in a semchhuak tan.

Tunkar Nilaini Dec 6 a Lawngtlai Auto Rickshaw Owners Association ten Chanhai Riangvaite puala Charity Service an neih a an pawisa hmuh Rs.2,37,650/- chu tanpuingaite tan an semchhuak tan.

Lawngtlai Auto Rickshaw Owners Association chuan ruahmanna mumal tak siamin, vawiin chawhnu khan Lawngtlai a Damdawiin pathum, District Hospital, Lairam Christian Medical Centre & Hospital leh Christian Hospital, Lawngtlai bak ah Lairam Rescue Centre ah Rs.10,000/- theuh an hlan bakah Lairam Motherless Home ah Rs. 22,150/- an hlan bawk.

Lawngtlai khawpui huamchhunga veng hrang hrang bak ah Thingfal (Lunglei District) huamtelin chhungkua 39 hnen ah Rs.4500/- theuh hunremchang hmasa ah hlan leh turin ruahmanna an siam a, veng neitu Tlawmngaipawl te nen ruahmanna siamho an tum.

Lawngtlai Auto Rickshaw Owners Association chuan Chariry Service an neih tuma midang tana inpe, tanpuina chhungluttu zawng zawng chungah lawmthu an sawi.