Kum 1990 atangin General PYD, NEI chuan October Ni 2 hi North East India pumpuia Pentecost Thalaiten vantlang tana thiltha tih ni a tan an hmang tan a, vawiin khan Lawngtlai District PYD-NEI te chuan a mamawh apiang te hman atan thisen pek runpui neiin, Blood Bank, Lawngtlai. ah thisen an pe.
Thisen pek hma a inkhawm tawi buatsaih chu Evan GB.Lalawmpuia, Secretary, District PYD chuan a kaihruai a, Pu Elvis Lalthangzuala, President AVBD, Lawngtlai Dist. chuan Kohhran Thalai hminga a mamawh apiangte tana thisen hlutak an pe thin chu Lal Isua rawngbawlna an chhunzawm zelna ani tiin, thisen pe tur hian taksa hrisel kan neih angai a, chutiang tur chuan Thalai te Ruihhlo lak fihlima, taksa tichhe thei lakah kan in sum angai ani ati
He hun hmanpuitu Pastor S. Vanlallunghnema, President, District PYD chu a tawngtai a, thisen pek chhunzawm niin, thisen Unit 25 an pe a, thisenpetute hi Mipa 20 leh Hmeichhia 5 an ni.
Social Work Day hi Lawngtlai District chhunga Pastor Bial 6 a, Tualchhung Kohhran hrang hrangte pawhin Vantlang tana thiltha tihna ni atana hmangin PYD members thahnemtak an thawk chhuak.