.jpg)
Mak deuh mai chu Ruling Unit hruaitute zingah eng Sorkar pawhnise, an eizawnna tlansan a, hunpum a Political Party tana inhmang hriattur an awm fo. Unit President hian a hranin hlawh an neih erawh hriat a ni miahlo thung.
A tifuhte zankhat thilthua an hausak thut thut theih laiin, ram leh hnam veia Politics buaipui, a mawmlam chang velo te erawh an bet tlawk tlawk thunga, hetiang Politics hi a ni, kan ram hruaituten vawiin thlenga minla hlui chu.
Politician diktak chuan Politics mual chu hausakphah nana hman chu sawiloh tlakran phahnan a hmang an awmfo, hengmite hian Politics an khelh chhan an chianga, an ram tan a theihna zawng zawng an hmangzo thin.
Politician zawng zawng retheih vek tur tihlam a nilo a nia, kan sawimek hi, Politics muala zuanglut, thiltithei lama awm engemawzatte dinhmun thlir hian Politics chu sum zawnnan a kawng remchang tak a ni tih a tifiah thin.
Kan Politician ten ngaihtuahna thar hmang teh u, mipuiten hnathawhkawr an haktir che u a, inthawhsakte aia in nawmsak fo chuan inlakah mipui an beidawng anga, a nghawng chu ramin a tuar ngei ngei dawn.
Ram hruaitu tha in ram a hruai chuan ramin hma a sawna, mipui in dinhmun sang zawk an luah thin. Politics hi eizawnnana hman tur nilovin a tul chuan retheih phah pawh huama ram tana inpekralna hmun a ni.