Vawiin khan Lai Autonomous District Council a Executive Member, Diltlang South bialtu MDC, Pu HC. Lalthawmliana, chuan a Bial chhung Diltlang 'S', Hmunnuam leh Ngengpuikaia PCC Pavement kawng Cheng nuai 45 senga siam chu a hawng. He hna hi Ministry of Tribal Affairs hnuai atang Ngengpuikaiah ₹ 20 lakhs leh Hmunnuamah ₹ 20 lakhs senga thawh niin, Rural Development hnuai atang Ngengpuikaiah ₹ 3 lakhs leh Diltlang 'S' ah ₹ 2 lakhs senga hna hi thawh a ni bawk. Pu HC. Lalthawmliana chuan MNF Sorkar hnuaiah a Bial chhunga mipui vantlangin an chhawr theih tur hna thawh a ni chu lawmawm tih thu sawiin, MNF Sorkar chu Mipui Sorkar dik tak a ni a ti.
Chief Minister Pu Zoramthanga kaih hruai MNF Sorkar chuan Diltlang 'S' ah ringawt pawh hmasawnna nasa tak a thlen thu sawiin, tun hma la awm ngai lo Police Beat Post hawn niin, SEDP atangin High School Zirtirtu pahnih dah an ni a, tun hnai maiah Western Higher Secondary School Diltlang chu Provisional Adhoc GIA a hlan kai a nih thu a sawi. Basketball Court cum Volleyball Court ? 150 lakhs chuang man siam mek a nih thute, ICT leh Sport Training Centre nuai tam tak senga sak a nih tur thute a, hengte hi Pathian leh Bial Mipuite avanga hotute duhsakna an dawn liau liau a ni a ti..
Tun hnai maia Lawngtlai West huam chhunga High School pathum leh Higher Secondary School Upgrade a han ni te, Bungtlang 'S' PHC, CHC a hlan kaia an awm ve ta mai te hi MNF Sorkar vang liau liau a ni a ti.
Tags
News