Tukin khan Lawngtlai district Deputy Commissioner pisa tualzawlah Cleanliness Week 2023 hawnna hun hman niin Pu C.Rongura, LADC a Executive Member i/c LAD chu khuallian a ni a. Pi Margaret J Vanlalremmawii, SDO(S) chuan hun kaihruaiin NSS, Government Region Higher Secondary School zirlaite he hun ah hian an tel a ni.
Khuallian Pu C.Rongura, chuan fai chu mahni ?heuh atanga in?an tur a nih thu leh fai duhna chu kan nunphung a bet tlat tur a nih thu a sawi a. Fai leh thianghlimna ngaina mi ni tur chuan ruihtheih thil, zuk leh hmuam lak ah taksa vawn thianghlim a pawimawh thu a sawi. Lawngtlai khawpui chu district hmunpui a nih angin faina kawng ah khaw dangte entawntlak ni turin bawlhhlawh thliar leh vawi khat hman plastic hman kawngah fimkhur a ?ul thu sawiin district fai leh thianghlim a siam tur chuan a chhung a cheng mi tin an pawimawh thu a sawi.
Lawngtlaia Cleanliness Week 2023 hawnna ah hian fai tur a thutiam lakna hun hman niin Pu Elvis Lalthanzuala, Chairman, Joint VC-in a kaihruai a. Pu HC Vanlalruatpuia, Sr. Sanitation Officer, LADC in lawmthu sawina hun a hmang bawk a ni.
Vawiin khan Lawngtlai khawchhung veng sawmpahnihah Village Council kaihhruaina in faina hnatlang neih a ni.
Tags
News