CADC a MNF Sorkar a nghing.

Thla li chauh a upa Chakma Autonomous District Council (CADC) MNF sorkar chu a nghing chho mek a, Sorkar thar ZPM kaihhruai a pian theih nan hmalakna kalpui mek a ni

Lawngtlaia DD News palai Lalngheta Ralte in thu a dawn danin CADC a MNF Legislature Party hruaitu, CEM Pu  Rasik Mohan Chakma leh a thawhpui MNF, MDC 16 te chuan ZPM zawm tumin hmalakna a kalmek a, heng MNF, MDC 16 te hian MNF Party atanga banna an thehlut tawh a, heng MDC 16 bakah hian Congress MDC 1 in ZPM zawm a tum bawk a, karleh hian ZPM Gen Hqrs hruaitute Chawngte ah kalin CADC ah ZPM Sorkar a piantheih nan a hmawrbawk fel an tum.

Kumin May thla a Chakma Autonomous District Council inthlanpui neih ah khan Seat 20 awmna CADC a MNF chuan Seat 10 la in, BJP leh INC ten Seat 5 ve ve an chang a, BJP leh INC atanga MNF zawmtute nen CADC ah hian Pu Rashik Mohan Chakma kaihhruai MNF Sorkar din niin, kumin May 25 khan Pu Rashik Mohan Chakma chu CEM atan lakluh a ni.