Ni 32 chhung zangnadawmna hmuh ngaita lungawilohna lantir tawh KMMTTP Ramneituten KMMTTP kawng thenfai an remti
KMMTTP a ramneitu intelkhawmten zangnadawmna ngaita Sorkar an nawrna chu an chhunzawmzel a, vawiin khan Chief Minister Office atangin zangnadawmna an hmuhtheih nan a Sorkar hmalakna te Land Owners Association hruaitute hi hrilhhriat niin, lungawilohna an lantir mek chawlhsan tura ngenna an dawng a, Chief Minister chuan Ministry of Road Transport and Highway ah Mizoram Forest Department in Ram neituten zangnadawmna an hmuhna tur an dalloh thu te thlenin, Ministry of Road Transport and Highway ah rawtna pahnih Chief Minister chuan a thlen a,
Rawtna hmasa zawk ah chuan State dangah pawh kalpui a lo nihtawh angin, Ramneituten zangnadawma an hmuhtur tibuai lovin Mizoram Forest Department chu environment tihchhiatman pek nise tiin rawtna a thlena, he rawtna hi Ministry of Road Transport and Highway in a pawmtheilo a nih chuan, KMMTTP in an ram a tihchhiatsakte chu zangnadamwna pek nise, hemi piahlam a Environment tihchhiat man hi Mizoram Forest in a claim phalsak nise tiin Chief Minister in a thlen tih Ramneitu intelkhawm hruaitute chuan an sawi a..
Chief Minister atanga an thudawn chungchang hi vawiin khan Lawngtlai District Land Owners Association chuan an ngaihtuah nghal a, hemi rual hian VC Association bak ah YLA Sub Hqrs pathum, Bungtlang South, Vathuampui leh Tuithumhnar ten KMMTTP kawng an zawh hleihtheihloh vanga harsatna an tawh nasat tawh vanga kawng thenfai phalsak tur a an ngenna an ngaihtuah bawk a, Chief Minister hmalakna chu lawmawm an tihthu sawiin, KMMTTP kawng a tlangthatloh vanga mipuiin harsatna an tawh nasat tawh vangin, kawng hi Motor lian kaltheihin hnathawktuten an thenfai an remti a, Deputy Conservator of Forest Office an dan chu chhunzawmzel nise an ti a, kawngpui zawhtheiha thenfai a nihhnu ah mamawhzualpuite chhekkhawl a nih hnuah zangnadawmna an la hmulo a nih chuan nazawkin sorkar nawr chhunzawm nise an ti.
Lawngtlai District Land Owners Association chuan zangnadawmna an hmuhtheih nan a an beihna ah an mahni thlawp tlattute chungah lawmthu an sawi