OFFICE OF THE LAWNGTLAI AUTO-RICKSHAW OWNER’S ASSOCIATION
Dated Lawngtlai, the 2nd September, 2023
PRESS RELEASE
A hmasa in mipuite Lawngtlai Auto-Rickshaw Owner’s Association hmingin chibai kan buk a che u.
Date 01.09.2023 tlailam 5:30 PM vel khan kan member’s Biakhlupuia s/o F. Zoramliana auto rickshaw chu MRB Bazar bul atangin KMMTTP road ah mi pathumin hmangin Electric Veng leh L-IV inrina lai velah a passenger te a drop hnuin a rawn let leh chu a motor a chiang lova. A motor siam lai chu tu tih hriatlohten a hnunglam atangin an rawn bei thut a. A hnung an khirh a,a hmai an tuam sak nghal a, thil eng emaw an barh a, ‘I lem vek loh chuan kan that ang che’ tiin an vau zui a. Vawithum lai an barh zui a. Hemi hnu hian nikhua hre lovin hun eng emaw chen a awm hnuin a lo harh deuh hnuah Lawngtlai Auto-Rickshaw Owner’s Assocation Fin. Secy chu phone a rawn biain, a awmna hmun te hrilhin an va hruai ta a. Nizan ah District Hospital, Lawngtlai ah kalpui niin, District Hospital-ah enkawl ani a. Tukin zingah Hospital atanga chhuah tir ani leh ta a, Pathian zarah a lo thatchhuah leh ngei kan beisei tlat ani.
Kan member F. Biakhlupuia tawhsual tawh chungchangah hian a chhungten Lawngtlai Police Station-ah F.I.R an thehlut nghal a, Lawngtlai Police te hian he pawikhawihtute hi a rang thei ang ber a chhuichhuak a hremna pe ngei turin Lawngtlai Auto Rick-Shaw Owner’s Association chuan kan phut tlat ani.
He pawikhawihtute hi an tawng hman atangin hnam dang mi ngei an ni a hriat ani a. Hetia kan members in tawhsual a tawk hi keini Lawngtlai Auto-Rickshaw Owner’s Association chuan pawi ati a, tun hnuah hetiang thil duhawmlo tak hi thleng nawn tawhlo se kan ti
