.jpeg)
District Headquarters Lawngtlai
Lawngtlai : Mizoram
Press Release
No.77/2023
"Kan Martar-te sakruang Lei dai ah rial ang ral tawh mah se, an thi leh ngai tawh lo vang..."
- Pu H Biakzaua, Deputy Speaker, Mizoram
Lawngtlai, Sept 20th, 2023
No.MNF/29/LD/PR/2023
Lawngtlai, Sept. 20th, 2023: Vawiin chawhnu dar 1:00PM khan MNF Dist. Hqrs. party office (Hnam Run) Bazar ah Martar Day, Vawi 42-na hman niin, he hun hi Deputy Speaker & Lawngtlai East Bialtu MLA ni bawk Pu H. Biakzaua'n a hmanpui.
Pu H. Biakzaua chuan, Mizoramina zalênna a neih theih nana penchhuak kan pasaltha te kha an zahawm takzet a ni, a ti a. Khawvel awm chhungin Pathian leh kan ram tan tih hi a ding reng tawh ang a, a hlu deuh deuh zel dawn a, a ral tawh dawn lo. Kan martarte sakruang chu lei daiah rial ang ral tawh mah se, an thi leh ngai tawh lovang, a tak taka ram leh hnam tana ke pen ngam awm chhun chu MNF te hi an ni, a tibawk.
Pu Biaka chuan, hun harsaah Pathianin MNF min sawrkar tir a, hun laklawhah min hlamchhiah ka ring lo, kum 60 lai tling tawh MNF hi Lalpan a hruaia sawrkar leh turin a buatsaih ngei dawn a ni, a ti a.
A sawi zel naah, hnama nghet taka ding party awm chhun chu MNF hi a ni, kan thenawm ram ten harsatna an tawka ei tur pe tu leh, kan thenawm hliam tuar te tuam dam tu chu MNF hi a ni, a ti. Pu Biaka chuan, Pu Zoramthanga kaihhruai sawrkar ah —Covid 19, ramri buai, raltlan, vawk hrileng etc., avangten chak zawkin hna a thawh theilo tih a sawi a, chuti chungin nasa takin Mizoram hmasawnna hmuh theihin hmun hrang hrangah thawh a ni, a ti a. Vawiin thlenga sum leh paiah harsatna tawk chunga treasury khar a ngailo leh sawrkar hnathawkte hlawh la theiloa an la awmlo chu alawmawm hle a ni, a ti bawk.
Revd C. Hrangzuala hunserh hmangtu pawn, Martarte ni a hunserh hmang tura sawm ani chu alawmthu leh, MNF chu an nunna hlan a, theihtawp chhuaha Mizoram ina zalenna a hmuh theihna tura thawktute annih tlat avangin, ram tana lei daia nun hlantu an nihna hi zah tlat a pawimawh a ni, a ti a. A ni pawh martarte chhungkua annih thu a sawi bawk.
He hun hi Pu Lalzahawma Chinzah Dist Hqrs President in a kaihruai a, Revd C. Hrangzuala Elect Chairman LIKBK in hunserh a hmang a, Pu J .Rochunga Dist Hqrs Vice President in Martarte chhungkaw aiawhin thusawina neiin, Dist Hqrs Treasurer Pu C. Lalsawmzuala'n lawmthu sawina a nei a ni.
He hunah hian LADC a CEM Pu V. Zirsanga, Chairman Pu VL Hmuaka, Executive Members te - Pu C. Rongura, Pu Lallawmsanga Apetow, Pu Andrew Laltlanzara, Pu Lalropuia Chinzah, Pu C. Hrangthianga, Dy Chairman Pu CL Lianzuala, Adviser to CEM Pu N. Zangura, Chairman Town Comtt., Pu Sanghuliana Mualchin te, MDCs - Pu V. Zathanga, Pu T Lalengmuana, Pu Lalthanmawia Colney, Nl C. Biakthansangi, Pu Lalramliana Colney NEM Gen Hqrs. te leh Party hruaitu mi engemawzat an tel a ni.
Issued by: IT & Publicity Committee, MNF Dist. Hqrs. Lawngtlai