.jpg)
Power Supply khaihlak thin hi Chhimlam District pahnih, Lawngtlai leh Siaha District hi a tuar nasa an nihna hi a rei ta viau a, kumkhat chhungin vawi engemawzat Power lakna chhia a awm thin a, mipui phunri pawh a ring viau thin a, heng karah Power & Electricity Department thawktute inpekna sanzia leh thawhrim ziate hi faktlak a tlinga, a tul huna chechhuak mai thin mipuite pawh faktlak an tling.
Khawvel hmasawnzelah Power behchhana chetvelna leh hnathawhngai a tamin, heng zawng zawng a chawl thuap thin hian khawsak a tibuai zual thin.
Power Supply a mumalloh apiangin mipui phunri a ringa, awmzia erawh a neithuilo tih a chiang a, diktak chuan a thawktute hlei hlei hian chhe miahlose tih hi an duh zawk a, thawktute demna lam hawite pawh hmuhtur a awm leh zauh thin te hi a zialo deuh thin.
Power mumallo hi a veitur diktakte hian an veilo deuh em aw a tihtheih a, nge ni a, an veia, veiin awmzia a neilo zawk. Power supply chhelutuk vanga pawl ang emaw Political Party ang emaw a aw chhuah an awmlo hian mipui nawlpuiin an vei hi a tawpchin a la nimai em aw, a tihtheih a, engpawhnise, hruaituten hma an la reng turah ngai ila, kumkhuain chhimlam ah Power Supply a mumallo reng dawnlo tih hi inhnem nan hmang ila a hahdamthlak in a rinawm.