ZORAM PEOPLE'S MOVEMENT
LAI DISTRICT HEADQUARTERS
LAWNGTLAI, MIZORAM.
Press Release
(No. 37-ZPM/LD/PR/2023)
Dated Lawngtlai,
20th September, 2023. (Wednesday)
Vawiin khan ZPM Leader leh Chief Ministerial candidate ni bawk, Pu Lalduhoma chuan Lawngtlaiah public meeting neiin, mi thar duhawm tak tak mi 992 ZPM party ah a lawmlut.
Lawngtlai Areopagy-a hun hmanna ah hian Lawngtlai East bial atangin voters 650 leh Lawngtlai West bial atangin voters 342 ten ZPM party an zawm thar a. An zingah hian ex-MDC, Congress Unit President nilai, MNF District Headquarters Lawngtlaia hruaitu mi pawimawh tak takte leh LSA hruaitu hluite pawh an tel a ni.
Pu MC. Lalramchhana, President ZPM Lai District Headquarters Lawngtlai kaihhruai he public meeting ah hian ZPM Leader chuan thusawiin, "Pathian leh mipuite zarah ZPM in sawrkarna kan lo siam a nih chuan ram rorelnaah Pathian lalram thlen tir a ni ang" a ti a. Bible bu pumpui kan en chuan rorelna tha leh dik hmanga ram enkawl hi Pathian thil tum pawimawh berte zinga mi niin, thuthlung hlui hunah pawh khan a zawlneite kaltlangin roreltu turte hriak a thih tir thin a. Thuthlung thar hunah pawh Lal Isua ngeiin ram chanchintha rawn hril chhunzawmin, tawngtai dan min zirtir ah pawh "I ram lo thleng rawh se" tiin min zirtir a ni, a ti.
ZPM Chief Ministerial candidate chuan, ZPM party inrelbawl dan leh chanvo insem dan chu 'kalphung thar' a ni reng tawh a ni a ti a. ZPM in sawrkarna a siam a nih chuan 'bána kaih (hand holding) policy' hmangin mi rethei leh harsa zawkte tan eizawnna bul tanna tur ngaihtuah sak an ni dawn a ni, a ti a. A rate hre sa in kuthnathawktuten an thlai an ching tawh dawn a ni, a ti bawk.
Pu Lalduhoma chuan, Mizorama lui lian ber Chhimtuipui hmang tangkaia electric current siam chhuah chu ZPM party thil ngaipawimawh hmasak tur a ni a ti a. Dt. 26th March, 2010 daih tawha NEEPCO leh Mizoram sawrkarin MoU am sign tawh chu hlamchhiah niin, sawrkarin a ngaipawimawh loh avangin hmalak chhunzawmna engmah awmlo chu pawi a tih thu a sawi bawk.
ZPM Lai District Headquarters Lawngtlai buatsaih he public meeting-ah hian Pu K. Laltluangkima, USA a Zofate insuihkhawm pawla hruaitu pawhin thusawiin, "Khawvel pumpuiah ZPM party mi leh sa hi kan awm vek tawh a, ZPM sawrkar loh hi Mizoram pawna Zofate hian kan hlau em em tawh a ni" a ti a. Thusawi tha tak tak leh infuihna thu tha tak tak ngaihthlak chhunzawm niin, zaithiam in kalkhawm mipuite an áwi bawk a ni.
He hun hmanna hian ZPM General Headquarters Aizawl leh ZPM Lai District Headquarters hruaitu mi engemaw zat an tel a. ZPM party member leh ZPM support tu mi thahnemtak an kalkhawm a ni.
Kalphung thar, mipui sawrkar.
Issued by :-Media & IT Department
Lai District Headquarters.