.jpg)
Vawiin hi Zirtirtute Ni a ni a, Zirtirtute hlutna lam aiin, kawngdang deuhin ngaihtuahna seng ila, an zahawmna leh hlutna tihnep tumna lam erawh a nilo tih hria ila a tha ange.
Hmanni deuh lawk a DIET Lawngtlai in Graduation Day an hmanna ah LADC a Education changtu Executive Member chuan, Zirtirtu ten hna an dil laia an intiamna anga awm duh lo, hmun hrehawm leh thingtlang ah te awm duhlo a aikal la tamtak an awm chu pawi atih thu a sawi thu Media lamah hmuhtur a awm a, ngaihtuahna a tithui khawp mai.
Aikal lak hrim hrim hi kan sawitum a ni lova, School thenkhat ah Zirtirtu an indaihloh viau laiin thenkhat ah chuan an buk deuh ni a sawi awmte hi a dik angem aw, Zirtirtu semrual hi thil harsatak a ni a, Sorkar emaw Zirtirtute emaw dem ngawt theihlohna lai pawh a tam in a rinawm.
Hetichung hian vawiin Zirtirtute Ni ah hian kan zah em em Zirtirtute hian ngaihtuahna thar nen bul tanse, Aikal an ni emaw, an thawhna ah an indaihlo deuh a nih emaw, eng ang harsatna pawh hmachhawn mahse, tuna an nih ang ang atang hian hmasawnna tur dapin, tanlak thar nan hmang sela, kan rama zirna, a bikin Sorkar School tlahniam deuh a sawi thinte pawh hi a kilthimlai awm hi tan an lakna chuan a chhun eng ngei ngei in a rinawm.
Zirna ber a that mumalloh chuan ram hmalam hun hi a thimlo theilo a, Zirtirtute pawimawhna kan sawia, zahna chibai kan buk rualin, an ni lam pawn intuaithar nan he Ni pawimawh tak hi hmang se a duhawm khawp mai.