.jpg)
Ui khuahkhirh hi Ruihhlodo nen inanna lai a awm deuhroh in a hriat a, hmalatute an inthlahdul deuh chuan khuahkhirhna dan a awm talo emawni tih maitur a ni thin a, Spring nembeh an sawi ang deuhvin, thlahrualin a hmaa awmdan ngaiin a rawn inperh chhuak leh mai thin a, a mangthlak angreng khawp mai.
District Hospital Lawngtlai in a chhinchhiahdanin kumin April atanga June thla inkarah District Hospital ah Uiseh inentir chu chawhrualin nithum dan ah uiseh pakhat awmziah anga ngaihtheih a ni.
Ui khuahkhirh hi a tulna leh a pawimawhna chu sawichiam ngai a nilova, tutepawn kan hriatsa a ni a, Ui changkang aiin a vulhtu changkang an pawimawh niberin a hriat.
Ui ngainate tan chuan mahni chenpuite nen angkhat reng a ni a, hetiang zawnga thu kan lak chuan hnial hleihtheih an nilova a dik pawh a dik reng bawk a. Mahse ui chhuak leh a neitu mumal awmlo emaw tihmaitur khawlaia tamlutuk leh ui thlunloh hmuhtur tamlutuk hian harsatna a thlen a, keinin kan duata, kan ui te hian midang duat ve nachang an hre silova, heivang hian a khuahkhrihna lam ah ui vulhtuten tan an lak deuh deuh a tul takzet a ni.
Thuneitu lamte pawh hian thawm han neihthar leh deuhte pawh a tul in a hriata, inzahtawntak si harsatna insiamtawn nasa silova nunphung pangngaia neih theih tura hmalak a tul a, khaptute an dul deuh a, rawn pawng mai ang chi lo deuhvin kan nunah bet theitur khawpa hunrei deuh zawk pawh khauh deuh taka hmalak a tul in a hriat.