Family Oriented SEDP chu kumin chhungin a thawhthumna kalpui turin ruahmanna siam a ni, Deputy Speaker Pu H.Biakzaua'n a ti.
Vawiin khan Lawngtlai District tan State Sorkar Flagship Programme, SEDP Thawhhnihna khuhhawnna Central YLA Hall, Lawngtlai a neih ah Deputy Speaker chuan SEDP atan kuminah Sorkar chuan Budget ah cheng Vaibelchhe 300 a dah tih sawiin thawhhnihna ah MLA bial tin ah chhungkua 1400 theuh tuam turin Vaibelchhe 150 ruahman a ni a, thawhthumna kalpuiturin Sorkar chu a inbuatsaihfel titih tawh tih sawiin a dawngtur thlanchhuah chu tihtur hmachhawp a ni a, kumin chhungin semchhuah hman tum a ni a ti
Pu H.Biakzaua chuan hripui leng vangin SEDP chu duh anga hma leh chakin kalpui theih a nilo tih sawiin, mipui hriatthiamna a dil a, MNF in Sorkarna a siam leh a nih chuan SEDP chu an chhunzawm dawn tih sawiin Sorkar chuan an mamawhdan a zirin cheng Nuai 3 aia tlemlo SEDP hnuaia hmalatute hnen ah pek a tum tih sawiin, Pilot Project thenkhat ah chuan Nuai 3 chuang dawng tawhte pawh an awm thu a sawi a, ruahmanna feltak nen tangkaitaka hman chuan SEDP chu bultanna tham a tling a ti bawk.
Lawngtlai a SEDP thawhhnihna khuhhawnna ah hian KHualzahawm Lai Autonomous District Council a Chief Executive Member Pu V.Zirsanga pawhin thusawiin, Sorkar chuan a intiam angin SEDP a sem a, a tihtur a hlenchho mek a, a hlawhtlin leh hlawhtlinloh chu a dawngtute ah mawhphurhna a innghat lian hle a ni a ti.
Vawiin a SEDP thawhhnihna khuhawnna ah hian SEDP thawhkhatna a tithate hnen ah khuallian Deputy Speaker chuan chawimawina a hlan.
SEDP thawhkhatna ah Lawngtlai District ah chhungkua 4500 te Cheng Sing nga theuh pek an ni tawh a, tuntum thawhhnihna ah hian chhungkua 4515 hnen ah Rs.25,000/- theuh pek an ni dawn a, thawhhnihna ah hian AH&Vety chuan Beneficiary ngah berin chhungkua 3163 an awm.
Tags
News