Mizoram pumpui a Khawpui hrang hranga tui lak (Water Supply Scheme) a Tui tih thianghlim dan (Water Treatment Process) zirchiang tura Study Team din te chuan tukin zing khan Lawngtlai Greater Water Supply Scheme hnuaia tui lakna Chhimtuipui, Chengkawllui leh Nghafuanlui te endikin Water Treatment Plant pawh an tlawh nghal.
He team hi Er Lalrinzuala Ralte Team Leader leh Superintending Engineer, PHE Aizawl WATSAN Circle in a hova, member dang rawn tawiawm tute chu Dr. ZR. Thasangzuala, Executive Engineer Planning, Chief Engineer Zone-I, Er. Samuel LR. Ralte Sub-Divisional Officer, Serchhip, Pu Lalngaihawma, Chief Chemist, State Referral Institute PHED,Aizawl te an ni a, Lawngtlai ah Sr.E.E Er.Netralal Jaisi hovin an lo dawngsawng.
He Study Team hian Aizawl a an haw hnuah Lawngtlai tui tlan chu thianghlim zawk leh fel fai zawka tih thianghlim anih theihna tura rawtna te hotu sang zawkah an thlen ang.
Tags
News