Editorial || RILRUFIM PU HRAM HRAM ANG U.

Assembly inthlanpui neihkum a ni a, tumdang aiin tuntum inthlanpui neihtur hi Political Party lamin an urlawk hmain, inthlan kaihhnawih boruak hriattur a awm deuh reng a, heng boruak karah hian mipui lamin rilrufim an put hram hram a pawimawhna a lian telh telh dawn.

Eng engemaw tawktarh leh lawmluh boruak leh Political Party Worker ten ram hmasawnna aia vote zawn lama thahnem an ngaih luatah thudik leh dawt tih finfiah hleihtheihloh thlengin mipui an chhawp tam tual tual dawn a, Democracy ram ah Democracy in atum nilo, a kentel thil thalo lam hlir chu kan hriattam a ni leh hial maithei.

Political Party te hian kan ram hi engdinhmunah nge min hlankai tihte pawh kan chik peih a tul a, Politics buaipui peihlo, Politics chu tute emaw dinhmun dawmkanna hmanraw pakhat chauh a ngai, Vote thlak pawh phur manglo kan tam ta viaute hi a veiawm a, khua leh tui diktak chuan Politics  ngaihven chu a tihtur a ni a, chuchuan ram hmasawnnana tihtur a neihte ngaihtuahna fimtak hmanga thutlukna a siam hmangin a hlenchhuak thin tur a ni.

Political Party tellovin a awm theihloh, sawihnawm a, a chhia zawng zawng burbun ngawt a fuh lo, Political Party tuinu daikaia, a tuifim chin ah intur thlang tura filrufim put a pawimawh a, chu chu ramin a mamawh lianber pawh a ni.