.jpg)
Kum 90 tlingtep tawh, Pu R.Khawlliana chuan huaisen lawmman Sorkar atangin a dawnga, a chhuanawm tih ah tawp mailose a duhawm a, hetiang kumzat nitawh ah midang tana inpekna hlutak amaha awm hi a entawntlak takzet.
Pu R.Khawlliana hian rikrum a thlen thulha chetlakdan tur tunlaia mithiam zawkten an zirtir thin ang hi a hre kherin a rinawmloh a, a huntaka chiai map lova chechhuak ngam a nihna hi a hlu a, heitak hi a ni, an kawmchhaka Electric Transformer siamlai, Current in a man a chhanchhuah theih takna chhan chu.
A tlangpuiin tanpuingai tanpuina ah hian kan hnungtawlh hret hret niin chikmiten an sawi thin a, khawsak changkang chho hian tunhma a tlawmngaih chhuah a ngaihna kha a umbozo tawh a, engemaw tulthuta chetchhuah ngaiah erawh keini aia thlamuanpuitur hnam hi an tamin a rinawmloh.
Pu R.Khawlliana kum 90 tlingtep tawh pawn, thianchhan thihngam thinlungpu mailova, chechhuak ngam rilru khauhtak hi kan tunlai hunah mamawhna a lianin, ram leh hnam humhalh leh hmasawnna tur pawn ngaihtuahna thar minsiamsaktu nitheise a duhawmin, chu chu ramin arah a seng ngei ngei ang.
Pu R.Khawlliana hian huaisen lawmman a dawng a nia, hawh u, a hnungzuiin, ram leh hnamtan huaisenna thinlung puthar ila, Abdul-a te, Ali-a te zing dar 5 a hnathawktura an thawh theih lai hian, engvanginnge rilru huaisen leh paukhauh zawk te hian midang kuta innghat lova mahni hmazawn sueng tura kan penchhuah theihloh bik ang ?.