26th September, 2023 (Tuesday) : Vawiin khan BJP National Secretary Shri. Rituraj Sinha, BJP North East Joint Co-ordinator ni bawk chuan BJP Lai Autonomous District Hqrs : Lawngtlai tlawhin, Party hote meeting a neihpui. Meeting hi Pu NC Muankima BJP District General Secretary (Organization) in a kaihruai a ni.
He hunah hian BJP National Secretary Shri. Rituraj Sinha chuan thusawina a nei a, BJP hi minority te ngaihsaktu awm chhun party a ni a, mizoram a ADC pathum te hmasawnna tur Central BJP Sorkar chuan a ngaipawimawh em em a, thuneihna lian in beisei mek pawh hi a pe theitu awm chhun a ni a, pek ngei che u pawh a tum a ni a ti. Pu Rituraj chuan, Central atangin Scheme hrang hrang Minority te tan Pu Modi kaihhruai sorkar chuan a ruahman a, healthcare ah nuai 5 thleng bill theihna te, innei lo te insak tanpuina pek te, hmeithai te tan gas a thlawn a pek te, thingtlang kaw khil khawr bera intina tui connection pek te leh thildang tam tak hmangin hma ala mek a ni. Mizoramah pawh kalpui mek a ni a, State a MNF Sorkar hian duh angin a bawhzui lamah a chak lo erawh a pawi hle ani a ti bawk.
Pu Rituraj Sinha chuan Mizoram a party dang Congress, MNF leh ZPM ten BJP Kristian te tan a hlauhawm tia mipui hnena zirtirna an pek chungchang sawiin, thu dik lo a ni ati. Prime Minister Pu Modi-a kaihhruai BJP Sorkar chuan minority te a duhsak em em a, a bikin Kristian te phei chu a duhsak hle. Minority Minister-ah pawh Kristian Pachal John Barla a dah a, tin, Meghalaya Sorkar a BJP MLA pahnih tling te hi Hindu leh Kristian anni a, Pu Modi-a chuan Kristian zawk hi Minister atan a dah tir a ni. Nakin lawkah Minister John Barla hian a department chan Minority atangin Mizoram a Kohhran hrang hrang te tanpuina tur a rawn pe dawn nghe nghe a ni. Mizoram a Kohhran hian a member te chu thil sual ti turin a zirtir ngailo a, thil tha ti turin a zirtir a, chuvangin, BJP Sorkar in a dona chhan tur a awmlo. Central BJP Sorkar in a do chu, India thendarh tumtute hi a ni a ti.
BJP National Secretary Pu Rituraj chuan Mizoram a sorkar na lokal pui tawhtu Congress leh MNF hian ADC te hi hma insawn tak tak a duhlo a, thil tha pawh kum 50 chuang an enkawl tawh hnu che u hian tih an la neilo a ni. Sum nise an pe tam duh ngailo che u a, nguntakin ngaihtuah ula, hmasawnna inhmuh ve tak tak hi an hlauh ber a ni a ti. BJP erawh chuan chutiang rilru a pu ve lo a, hmasawnna tak tak inhmuh hi a duh ber a, thuneihna lian pawh hi pek che u a tum a ni. ADC mipuite pawhin, kan ram leh hnam hmasawn kan duh a nih chuan BJP hi kan belh tlat a ngai a ni a ti.
Meeting-ah hian thu pawimawh tak tak sawihona bakah zawhna leh chhanna hun te hman nghal a ni. BJP North East Jt. Co-ordinator Pu Rituraj Sinha hi Helipad-ah Party aiawhin State Vice President Pu T. Zakunga MDC, Pu K. Hramzama GS leh Pi Lalhruaitluangi Vandir District Mahila President ten an hmuak. Pu Rituraj-a hi State BJP lam atangin Pu Vanlalhmuaka BJP State President leh BJP MLA neih chhun Dr. BD Chakma ten an rawn tawiawm a, chawnglawmna thil pek Pu Sapliana Vandir Ex-MLA, President BJP LAD, Pu. T. Zakunga MDC, State Vice President leh Pu MC Suiawia Vice President BJP LAD ten an pe. Party aiawhin Pu F. Chhannawla Vice President BJP LAD chuan kan thil demand sawina a nei a, ziakin BJP National Secretary hnenah hian a pe tel nghal a ni.
Issued by IT & Media Cell BJP Lai Autonomous District, Hqrs: Lawngtlai