Dt.20.09.2023 khan Pu Anil Shukla, IPS, DGP, Mizoram chuan zan khat riakin Lawngtlai a tlawh a, DGP hian kumin a MLA General Election lo awm tura Lawngtlai District Police te inbuatsaihna a endik bak Lawngtlai District Police te hnathawh a enpui bawk
DGP hian Lawngtlai S.P Office tlawhin Police ten harsatna an tawh hrang hrang ahnena an thlen chu DGP chuan theihtawp chhuaha alo bawhzui atum thu asawi. Lawngtlai SP, Pu. Lokeshwaran.R, IPS chuan Powerpoint presentation hmangin Lawngtlai District dinhmun tlangpui leh Police te hmalakna hrang hrang DGP hi a hrilh a, Pu.H.Ramthlengliana, IPS DIG(SR) pawhin Lawngtlai Police te fuihna thu a sawi .
DGP hian Lawngtlai Police Station pawh tlawh in, Police te chu theihtawp chhuaha mipui rawngbawl hna rinawm taka thawk zel turin a chah.
DGP hian 3rd IR Battalion Hqrs., Thingkah pawh tlawh in, Pu Jacob Hlychho, MPS, Dy. Commandant leh a hoten anlo dawngsawng a, 3rd IR Battalion te chuan harsatna an neih an sawi te ngaihthlak sakin, atheih anga an harsatna neih te chinfel sak atum thu a sawi.
DGP hian Lairam Motherless Home tlawhin, Home enkawltuten an mamawh an thlen te pawh DGP Pu. Anil Shukla chuan rang taka hmalak sak atum thu ahrilh a, thilpek ahlan nghal ani.
Pu Anil Shukla, IPS, DGP (M) hi DIG (Southern Range) Pu. H.Ramthlengliana, IPS leh Pu. F.Vanlalrochana, MPS, SO to DGP (M) ten rawn tawiawm in, Siaha panin tukin dar 9:30 khan Lawngtlai a chhuahsan ani.