.jpg)
Diktak chuan chhimlam hi hmarlam hian an dahhniamin, thil chhia zawng zawng bunkhawm nan an hmangta mai emaw tihtur khawp a ngaihtheih a nih hunlaite pawh a awm thin. Social Media hman nasat a nihhnu phei chuan Lai hnam hian deusawhna a tawk zing malh malh khawp mai a, a tuartu zawkte puitlinna a lan thin vangin boruak lianzawk a hringchhuak lo thin a, Social Media ah Fake Account hmanga Lai hnam beihna phei chu an intihhmuh emaw tih maiturin hmuhtur a awm zurzut mai hi a ngaimawhawm takzet.
Hetiang thil hi enganga lo dawnsawnnge fuh ber tih sawi theih a nilova, Lai faten an lo dawnsawndan ah rilru natak chunga ngawih chuh zawka tang an nihfona te hi hnam puitlingzia a ni tih erawh thil chiangtak a ni a, englaimahni Lai hnam hian Mizoram thendarh emaw inpumkhatna tichheturin hma a la ngailo, ralkhat atanga zeldin thubawl leh dawt phuahchawp hmanga Lai hnam diklo tak taka puhfotute hian ram leh hnam lungrualna lungphum an sawinghinga, unau kara hemthlaktu zawk an ni tih a chiang.
Heng dawt thu hmanga Lai hnam lungphum tihchhiattuma thu veivir thinte hi inhnehtirlo ila, an thangkamah awk chut chut duh khawpa hnam mawlmang nih tumlo ila, chutihrual chuan mahni hmazawn theuhvah ram leh hnam tan hmalaknaah uar zawkin kal ila, min nuam an chenlaiin, hrehawm tawrh hrehlo ila, kumtam a vei a ngailo ang, tuna deusawhtute hian an tawngkam na leh tawrh hrehawm tak tak hi an chhakchhuak reng peih hauh lovang.