DIPRO,Office Lawngtlai chuan hmathar lain tan an la chho mek.

Sorkar leh mipui thlunzawmtu pawimawhber State Sorkar hnuaia  Information and Public Relations Department Lawngtlai chuan thawktu indaihlo leh chetvelna harsa tak karah hmathar lain theihtawp an chhuah chho mek.

District Information & Public Relations Officer Pu Hmingthanzuala chuan Lawngtlai District a khaw hrang hrangte chu an khaw chanchin dahthat a nihtheih nan DIPRO Lawngtlai chuan buaipui a tum tih a lo sawi tawh a, Sorkar mipawimawh te chetvelna te, Sorkar in mipui tana ruahmana a neih hmalakna hrang hrangte chu mipui chhiartheih tura ziaka dahchhuah a nih thin bak ah DIPRO Lawngtlai Youtube Channel ah dahluh tan a ni bawk a, Sorkar thuchhuah, mipui lam hriattur paiwmawhte tualchhung Chanchinbu kaltlanga thehdarh kawng ah te hmalakna kalpui thin a ni.

District Information and Public Relations Office Lawngtlai ah hian thawktu an indaihlo viau a, chetvelna tur lirthei tihtlak an neilo chuan harsatna eng eng emaw thlen bawk mahse, DIPRO Lawngtlai a awm ten an hna hlenchhuah tuma a remchan dan ang anga an chechhuak thin chuan thawktu leh hmanrua mumallo karah pawh hneh takin an hna an hlenchhuak thin chuan District mipui fak an hlawh pha hle.