Hriselna lama hmalakna runpui neihtur thlirin DC hovin thukhawm.

Vawiin khan Lawngtlai DC Pu H.Lalhmingthanga hovin, hriselna lama hmalakna runpui Sewa Pakhwada under Ayushman Bhavan Campaign chungchang ngaihtuahin , DC Conference Hall, Lawngtlai ah an thukhawm

Lawngtlai DC,Pu H.Lalhmingthanga chuan Sorkar chuan ram mipuiten hriselna tha zawk an neihtheih nan kawng hrang hrangin hmalakna a kalpui reng a, a chhawr tangkaitur mipui ten nasa zawka an tana hamthatna awmte an ngaihven a tul thu sawiin, hriselna chu mihring rohlu a ni a, hriselna tha zawk neiturin Sorkar hmalakna ngaihpawimawh chu thil pawimawh tak a ni a ti.

Dy Chief Medical Officer Dr.S.Thaizi chuan Ayushman Bhavan Campaign neih tur ah mumal takin hmalakna tur hrang hrang ruahman a nih thu sawiin, Campaign hi naktuk Nilaini ah India ram President chuan a hawng dawn a, hemi hnu hian State Level, District Level leh Block Level ah te hawnna buatsaih a ni anga, Campaign hian kumin October 6 thleng a awh ang.

Campaign neih chhung hian Thisen pek runpuite, Health Mela te, Taksa peng midang tana pekte, Golden Card siamte leh hriselna lama inzirtirna hrang hrang te neihtura ruahman a ni.

Tun dinhmun ah Lawngtlai District ah Sub Centre 35 awmin heng zinga 28 chu Health and Wellness Centre ah hlankai a ni tawh a, heng Centre ah te hian Zunthlum leh thisen sang leh Oral Cancer te enfiah theih a nihthute, harsatna neite enkawl theih a nih thu te sawilan niin, hriselna lam a Sorkar hmalakna nasa zawka mipuiin an chhawr theih nan puanzar kawngah uar zawka hmalak nise an ti.