Dy.Speaker hovin Lawngtlai District Silver Jubilee lawm ani

Vawiin khan Lawngtlai District kum 25 tlin Silver Jubilee lawmna Assembly Deputy Sepaker Pu H.Biakzaua hovin neih a ni.

Silver Jubilee lawmna Lawngtlai DC Office tual a neih ah Assembly Dy.Speaker Pu H.Biakzaua chuan Lawngtlai District a piantheih nan a sulsutute zahna chibai bukin, District mipuite duhsakna a hlan a, Sokar chuan Lawngtlai District tan hmasawnna hrang hrang a thawk mek tih sawiin, Lawngtlai District in kum 25na hmel a hmuthei chu District in hmasawnna chakzawk a neihtheih nan bultan nan hman a pawimawh thu a sawi.

Lawngtlai West MLA Pu C.Ngunlianchunga pawn  Lawngtlai District a piantheih theih nana hmalakna hrang hrang a sawi a, Lawngtlai District chu District hnufual dawmkan bik ngai a nihna chu ngaihpawimawh a tul a ni a ti a, District a piantheih nan a hmalatute thawhrah chu kan sengmek a ni a ti.

Lawngtlai District Silver Jubilee lawmna ah hian Sovenir buatsaih chu Lawngtlai DC Pu H.Lalhmingthnaga'n a tlangzarh a, KHuallian Pu H.Biakzaua'n Jubilee chhinchhiahna a hawn bak ah Jubilee Cake a zai a, DC Office zaipawl zai bakah mimal zaithiam zai ngaihthlak niin, DC Office a thawk tawh chatuanram pantate sunna hun hman niin Pensioner atanga thusawi ngaihthlak niin, tlailam ah Jubilee ruai kilho a ni.