Mizoram Journalists' Association chuan Sorkar in The Mizoram Journalists Pension Scheme, 2023 a pawm chu lawmawm an tih thu an sawi.
MJA Gen Hqrs leh District MJA hruaitute telna MJA Co Ordination Committee vawi 11 na chu vawiin khan Lawngtlai Press Club ah an thukhawm a, he thutkhawm MJA Gen Hqrs President Pu C.Lalrambuatsaiha kaihhruaiah hian Mizoram Sorkar Council of Minister thukhawmin The Mizoram Journalists’ Pension Scheme, 2023 a passed chu lawmawm an tih thu an sawi a, Chanchinbumite chu an thatlai zawng ram tan an theihna zawng zawng an hlana, an theihloh hunah maiparthlawn ngawt lova, Sorkarin an hamthatna hmuhtheihnatur a pawmta chu chanchinbumite tan a lawmawmin, a taka kalpuithuai a nih an beisei thu an sawi.
MJA Co Ordination Committee thutkhawm ah hian MJA hmalakna leh hmachhawpawmte sawiho niin, General Conference in hmalaknatur a rel, bawhzuina kalmekte a hlawhtlin theih nan a hmalakdanturte an rel.