Lawngtlai SP, Pu R.Lokeshwaran leh MJA hruaitute an inkawm.


Vawiin chawhnu dar 3 khan Lawngtlai SP, Pu R.Lokeshwaran IPS chuan Mizoram Journalists' Association Lawngtlai District  hruaitute a Office Chamber ah leng ah sawmin, inhmelhriatna thingpui a inpui.

Lawngtlai SP, Pu R.Lokeshwaran  hian 17 July 2023 khan Lawngtlai SP hna a zawm a, Lawngtlai chu nuam a tih thu leh hmun nuam leh mawitak, a michengte pawh hawihhawm, hlimhmelpu an ni tih sawiin, thinlung takin Lawngtlai chu nuam a tihthu a sawi a, Lawngtlai Police ten mipui tana hna an thawhna ah an thatichakturin District mipuite thawhpuiah sawmin, Chanchinbumite chu Police tha tichaktura hmanraw tangkaitak an nih vangin thawhhona thatak nena kal a duh tih a sawi.

Lawngtlai District MJA ten rawtna hrang hrang an thlente a theih chin chinah lo bawhzui a tum thu Lawngtlai SP chuan sawiin, thubuai leh pawikhawihna lian, ram mipui ngaihven nasat zualbik ah te, Press Conference hmangtangkaitura an ngenna pawh SP chuan hetiangang tihngai a awm a nih chuan tihngei a tum thu a sawi.

Lawngtlai District Police indaihlohnate, Lawngtlai Traffic Police tlem lutuk chungchang MJA ten an sawi chu, a theih ang angin sutkian a nihtheih nan hmalakna kalpui a nih thu Lawngtlai SP chuan a sawi.

He inkawmhona ah  hian Lawngtlai SP hi Additional SP Pu C.Lalruatkima'n a tawiawma, MJA te hi an President Pu Lalngheta Ralte chuan hovin, MJA te chuan Lawngtlai SP in an dinhmun pawimawhna hriaa, inkawmhona thatak a buatsaih chu lawmawm an tih thu an sawi.


The Lawngtlai Post

Lalngheta Ralte (Ma-Ngheta) Electric Veng, Lawngtlai , Lawngtlai Dist. Phone: 9862843773 e-mail:lalnghetaralte@gmail.com

Post a Comment

Previous Post Next Post