Chawngte tuilian in ziaawmlam pan hret mahse, dinhmun hlauhthawnawm ah a la ding reng.

Chawngte RD Block huamchhunga tui lianin ziaawmlam a la pan hreta,   Ruah ala sur deuh reng avangin harsatna lian thleng thei dinhmunah ala ding reng. Tlawmngai pawl Central YCA, YLA leh YMA te pawhin tanpui ngaite tanpui turin hma an la reng a ni.

Vawiin khan Chawngte a tuilian avang leh inkalpawhna kawng apin avangin dawrkai ten nitin mamawh hralh kawngah rate tih danglam a awm loh nan SDO Civil, Pu Lalneihthanga Colney hovin Chawngte  Police ten  dawrkai te an kal chilh a, Buhfai leh nitin mamawh te rate tidanglam lova, dan pangaia hralh turin an hriattir.

SDO(Civil) Office Chawngte atanga  The Lawngtlai Post in thu a dawn danin, tun dinhmun ah Chawngte RD Block huamchhungah leimin vanga inchhia 29, Tuilian vanga  sawnchhuah chhungkua 151, Relief camp a awm chhungkua 51 an awmmek a, Relief Camp a awmte hi vawiin khan SDO(Civil) chuan tlawhin an dinhmun a en a,  tuithianghlim intur a sem.

Relief Camp a awmte hriselna dinhmun en dikin Sr. Medical Officer Dr. Andrew Khawlthangpuia leh Medical team te chuan hma an la nghala damlohna nei te chu Damdawiin lamah an dinhmun enfiah tura hruai nghal an ni.

Parva-I a tuilian chuan kamlam a pan hret a, chhungkua 15 hmunhimlama suanchhuahte erawh an awmna ngaiah awmtheih a la nilo.