Vawiin khan Lawngtlai District a Tlawmngaipawl lianber Central Young Lai Association chuan Lawngtlai leh Kawlchaw inkar kawng National Highway 54 thawktu NHIDCL Office, AOC veng Lawngtlai leh ICT Office Bazar Veng Lawngtlai a mite chu khartura an ruahman hnuah khar a ni a, Central YLA hruaitute chuan Lawngtlai leh Kawlchaw inkara National Highway 54 hnathawhmek chu hmanraw thalo hman niin, hna pawh duhdah taka thawh a nih vangin kumin January 8 khan NHIDCL Executive Director hovin Joint Meeting neiin, hna thazawka an thawh tur thute, hnathawh thalo awmte pawh thiata, hna tha zawka thlak an tumthute NHIDCL lamin an sawi tih sawiin, kumin July 10 thleng khan hmalakna engmah a awmloh vangin, hna tha zawka thawkturin Central YLA chuan a ngen nawn a, vawiin thlenga hmalakna hmuhtur a awmloh vangin NHIDCL leh Intercontinental Consultants & Technografts Pvt.Ltd (ICT) Office te hi kairihlo turin Central YLA chuan a ti ta tih an hruaitute chuan an sawi.Sumtamtak senga hmasawnna hnathawh, ram rotling hnutchhiah lova, duhdah taka thawh chu Central YLA chuan ngaihthiam chi a nilo tih an sawi a, hnatha an duh vanga hma an lakna chu mipuiten hrethiamse an duh thu an sawi bawk.
