Pang Zirlai Pawl ten Vathuampui leh a chhehvela Airtel Signal chhelutuk vangin Tower an Off.

Pang Zirlai Pawl General Headquarters Vathuampui chuan Pathianni August 16 khan Vathuampuia Airtel Tower chu an off a, Lawngtlai DC in  hma a la nghal.

Pang Zirlai Pawl hruaitute chuan Vathuampui leh a chhehvel ah Airtel Signal   chhe lutuk chu vawi engemawzat Sorkar leh Airtel thuneitute hnenah an thlen tawh thu an sawi a, awmzia engmah a neihloh vangin Pathianni khan an President Pu Albin Lalhruaitluanga hovin Airtel Tower hi an off a,(The Lawngtlai Post) Ni thum chhungin Signal tha zawk peturin thuneitute phutin, huntiam chhunga an beisei ang an hmulo a nih chuan Vathuampui leh a chhehvel a Airtel Tower pariat chu tihchhiat mai an hrehloh tur thu an sawi.

Pang Zirlai Pawl te chuan Airtel Signal chhe lutuk chu Zirlai ten an tuar nasa tih sawiin, khawtlang mipui leh Sorkar hmalakna ah pawh harsatna tamtak an tawk tih an sawi bawk.

Lawngtlai Bawrhsap Pu Donny Lalruatsanga chuan Airtel thuneitu lam te, helam a hmalakna kalpuitute bepawpin, Vathuampui a harsatna awm chinfel dantur a sawipui nghal a, Pang Zirlai Pawl te hian vawiin khan thuchhuah siamin, Lawngtlai Bawrhsap hmalakna ngaichan hrih nise an ti a, naktuk Nilaini tlailam thleng thuneitute ngaihchan nise an ti.