He Meeting ah hian National Higway 54, Lawngtlai leh Kawlchaw inkar a hnathawh chhelutuk ni a an hriat vanga Central YLA hmalaknaah, August 18, 2023 khan Central YLA hruaitute leh hnathawktu Company hotuten hna thalolai a hmunah enhovin, hna tha zawka thlak tura inbiakrem a nih vangin August 8, 2023 atanga Lawngtlaia NHIDCL leh ICT Office khar pawh hawn a nih tawh thu sawilan niin, hnatha zawk a awmtheih nan mahni zawn ah hmalakna kalpui theuh nise an ti.
Vawiin Meeting ah hian kum 2010 atanga hnathawhtan Kaladan Multi Modal Transit Transport Project kawngpui, Lawngtlai atanga Zochachhuah inkara sialin an ram a tihchhiatsak intelkhawm, Lawngtlai District Land Owners’ Assocition hruaitute chuan kum 14 zet zangnadawmna phuta hma an lo laktawh thute, a kawtawpah an tan tawh thu leh August 1, 2023 atanga Deputy Conservator of Forest (Wildlife) Office, Chhimtuipui Wildlife Division Lawngtlai chu Office kaithei lova an dan thu leh KMMTTP kawngpuia hnathawktu Company te pawh an chhetchhuah an remtihloh thu an sawi.
Lawngtlai DC Pu H.Lalhmingthanga chuan Ram neitu intelkhawmte hmalakna vangin District chhimlam leh khawthlanglam mipuiten an tuar tan tawh tih sawiin, kawngpui sialtlang a nihtheih nan hnathawktute chetchhuah an remtihloh chu titawpturin Ram neitute chu a ngen a, Land Owners Association hruaitute chuan an mutanber ni a an ngaih chu Mizoram Sorkar hnuaia Environment, Forest & Climate Change Department an nih thu sawiin, Deputy Commissioner in a ngenna chu zahawm an tih thu leh General Body Meeting kova an lo sawizui tur thu an sawi.