Editorial || VANTLANG HMUN ZAHNA KAN NEI TLEM.

 

       Multi Modal kawngpui laih hma khan, National Higway 54 kawngpui kam, Lawngtlai chhehvel ah leivung leh bawlhhlawh paih a ni thin a, Multi Modal kawngpui chu hmantheih a ni chhova, leivung paih nan hman a ni chho leh mek a, a zialo takzet.

Thuneitu leh tlawmngai pawl lam pawn kawngpui kam chu sawiloh, kawngpuiin a huamchin ah te leivung paih a ni fo chu an ngaimawh hle a, khapna thupek hial chhuah a lo ni tawh a, zawm erawh a hlawh lemlo lai hi ngaimawh tham a tling awm e.

Tunhnai maiah pawh Multi Modal kawngpui ah leivung paih a ni a, Social Media ah, a paihtu ni awma rintheih te nen lam tarlan a ni a, thuneitu lamten engtianginnge hma an lakzui tih chu mipuiin an thlir mek a, khapna thupek hi a zawmlote hrem an nih siloh chuan awmzia atam lova, tunhnaia Multi Modal kawnga leivung paihtute pawh hi zawnchhuah a, hrem an niha, mipui ah puanzar hial nitheise a duhawm khawp mai.

Vantlang hmun zahna neihtlemte vangin khua leh District a mualpho fova, vantlang hmunhma zahna neitam tur chuan midang pawisakna neihtel a ngaia, dan zawma, nunphung pangngai zawhtuten humsual an dai ngai lova, kawngpui tichep leh tihnawk zawnga che duh tlat khawpui chhungah pawh an awmfote hi inman mualphoin, in hrem rup rup lo mah ila, miten endan chintawk an nei tih an inhriatthiam chuan vantlang hmunhma zahna pawh an neithei deuhin a rinawm.